راكم تقولو واش راهو يهدر
وراني نزيد نؤكدلكم بنات بلادي ونعزوهم ونعزهم انا
المهم بداية السلام عليكم بنات بلادي
وتانيا السلام عليكم رجال بلادي
موقف وصرالي وطاحت الدمعة ما صبت نبكي ما صبت نطير من الفرحة
كنت ذات يوم عند عمي في احد القرى الصغيرة
المهم فقوتت ايام ملاح عند عمي
وكي كنت راجع للدار صرالي موقف رائع هو سبب كتابتي لهذا الموضوع
المهم ركبت في الحافلة نتاع النقل وديماريت وكبو معايا ولاد وبنات في مثل سني المهم بين 20-27 سنة
وبقات بلاصة وحدة في الكار اللي رايحة تديني قالنا الشيفور نخلوها سيكور اونسيجامي نلقاو واحد في نص الطريق وندوه
المهم مشينا على بركة الله وكيما قال الشيفور لقينا اللي حاب يركب
ولكن العدد كان حوالي 5 فتيات قاعدين في نص الطريق ونهار ثلج وبرد وواش نديرو الشيفور كان معول ما يحبسش لكن المفاجئة انو احد اصدقائي واللي كان راكب معايا قالو ما يصلحش
واش ما يصلحش
ما يصلحش يا الشيفور نخلو بنات الناس في نص الطريق والبرد والثلج
اي بون وكيفاش نديرو ياخويا قالو احبس نقلك كيفاش نديرو
ايا خزرنا في بعضانا حنا 4 ذكور انا وصاحبي وزوج ما نعرفهمش
واش رايحين ديرو يا خويا
رانا رايحين ننزلو وعلاش تنزلو باش يركبو بنات الناس وكيفاش ديرو انتوما احنا رجال ونقدرو ندبرو ريوسنا
المهم حبس الشيفور
وركبو خواتاتنا
وهبطنا وحنا فرحانين
بنات بلادي ما لازمش البرد يقيسهم ولا شعرة تحط يدها عليهم
لكن هنا ماش رايح نحبس الموضوع
باسكو هادي عندها حوالي في عطلة الشتاء كنت حاب نحكيها لكن قلت نورمال اي واحد يديرها
لكن الملاحظة اللي كنت نلاحظ فيها هادو الايامات انو العقليات نتاع ال\كور تبدلت والله يا خاوتي تصدقو ولا
نهار نركبو في البيس نتاع الطلبة والله ما كاين طفلة تبقا واقفة يعني طفلة وتستاهل مارانيش نحكي على الناس لكبار لا نحكي على البنات الصغار اللي نتاجنا
تلقا الطفل يسمح في بلاصتو
وساعات انا بالذات نلقا بلاصة مع طفلة انا وغيري من الشباب ما نركبوش فيها ماشي زعما حشمة ولو انو ذالك باب وحدو لكن نحبو الطفلة تريح مع الطفلة بالاك تكون تعبانة
وبالاك وبالاك
سبب حكايتي لهاد الهدرة انو الاعلام نتاعنا اصبح يصور الشاب الجزائري على انو وحش ويصور بنات الجزائر على انهن فاجرات
والله العظيم ه\ا كلو لانو الناس اللي دير الخير ما تبينش روحها والناس تشوف غير الحوايج السلبية
المهم في اخر الموضوع نقول لبنات بلادي والله غير راكم في العين وفوق الراس نحترموكم ونخافو عليكم
بالاك نهارات يكون الشاب الجزائري جايح لكن نضمنلكم انو اغلبهم فيهم الخير نهار يفتح باب الخير
تهلاو يا شباب الجزائر في خواتاتنا
وادعيولنا يا بنات بلادي
هكاك نرفعو شانكم وترفعو شانا ونكونو يد وحدة باش بلاد نتاعنا تكون بلاد خير ان شاء الله سلام وتقبلو تحيتي
اخوكم
الرئيسية
موضوع: بنات بلادي ونعزوهم 
الثلاثاء 11 أغسطس 2015, 11:25
