الأحد 25 مارس 2018, 19:52 الجمعة 06 يناير 2017, 17:37 السبت 14 مايو 2016, 17:47 الخميس 05 مايو 2016, 17:53 الثلاثاء 12 أبريل 2016, 16:20 الأربعاء 06 أبريل 2016, 20:39 الخميس 31 مارس 2016, 21:59 الخميس 31 مارس 2016, 21:49 الجمعة 04 مارس 2016, 16:53
موضوع: أنا زوجوني بالدراهم الثلاثاء 11 أغسطس 2015, 12:07
واش راكم ؟ بعد غياب طويل و طويل جداً عن المنتدى رجعنا و رجع حسْنا معانا . :3 أولاً دعواتكم لي من أجل شهادة البكالوريا .
ندخل في موضوعنا .
من بعد كامل أنواع الزواج اللي خرجو و شفناهم ، التقليدي و المسيار و مانعرف واش أنا ، خرج نوع جديد ما سمعتوش بيه ؟ . غريـــب ، متأكدة باللي كامل تعرفوه زيدو خمو مليح زيدو .... أنعم العنوان يصف نفسه ، الزواج بالدراهم :3 بصح ماشي نلبسو الدراهم و نصدروهم وكامل هههههه لالا . يـا سيدي نحكيلكم حكاية و انتوما احكموا باش تفهمو مليح مليح على واش راني نحكي .
هادي وحدة جاها مكتوب كيما كامل البنات ، راني نعرفها مليح مليح ماشاء الله عاقلة و رزينة و نقدر نقول مكاش كيفها ، سقسا باباها و كلش ، و تفاهمو و دارو الفاتحة كيما كان الحال ، و مع الايام هادي البنات و الرجال يقولو لازم نهدرو في فترة الخطوبة باش نعرفو العقلية كيفاه و راكم عارفين الحالة بلا ما نفصل اكثر الطفلة استاذة و هو Policier . على كلِ الراجل ما يحبش يهدر معاها بزاف و كل ما يجي يعيط ف الليل كي تنطق الكلمة الاولى يقلها آآه صاحبي نسيت باه نعيطلو ، اصبري نعيطلو يضرب بالساعة يهدر و مبعد يعيطلها يقلها راني نعسان تصبحي بخير كل مرة . المهم بداو يتفاهمو قرب العرس و كلش و لازم يتفاهمو على الدار و الكراء و القش و علابالكم ، الراجل يقلها عاونيني ف الكراء تقلو ايه ، قلها اشري La chambre و L'electro Ménager انا بزاف عليا مصروف العرس و كلش ، الطفلة بدا يدخلها الشك . اومبعد قلها لالا انا مانديرش داري وحدي تسكني مع يما (و هو مقاطع دار يماه عنده 5 سنين ) العقل و مايتقبلهاش هادي داركم ماتدخلهاش و انا نسكن فيها ، و مبعد قلها اسكني مع خويا و مرته ، هي قاتلو لالا انا ما نقبلش ماهوش محرم نتاعي و انا نحب ندي راحتي و زيد Des batiments زوج بيوت مانقدرش نتحرك ، حرام عليا نسكن مع حمايا . ايا واش قلها ؟ نقلكم واش قلها ؟ قلها معليش و ايلا هكا ، اسكني في داركم و انا نقعد في خدمتي و نتلاقاو مرة على مرة و صايي ، بصح اسمعي يا بنت الناس انا نحتاج دراهم و كامل اكي عارفة مرة على مرة ارسليلي . الطفلة بقات K.O فسخت الخطوبة و الحمد لله اللي مكانش العقد .
المهم طولت عليكم علابالي ، راهي واصلتلي للعنق واش رايكم في واش قالها ؟ و هي التصرف نتاعها ؟ واش رايكم في هدا النوع من الزواج ف الاصل ؟ هل يجب على المراة انو تعاون زوجها مادياً ؟ هل صحيح المرأة العاملة يتزوجوها علاجال دراهمها وفقط؟
الرئيسية
موضوع: أنا زوجوني بالدراهم 
الثلاثاء 11 أغسطس 2015, 12:07
. غريـــب ، متأكدة باللي كامل تعرفوه زيدو خمو مليح زيدو .... أنعم العنوان يصف نفسه ، الزواج بالدراهم :3 بصح ماشي نلبسو الدراهم و نصدروهم وكامل هههههه 
لالا . 
، و مبعد قلها اسكني مع خويا و مرته ، هي قاتلو لالا انا ما نقبلش ماهوش محرم نتاعي و انا نحب ندي راحتي و زيد Des batiments زوج بيوت مانقدرش نتحرك ، حرام عليا نسكن مع حمايا . ايا واش قلها ؟ نقلكم واش قلها ؟ 
