الأحد 25 مارس 2018, 19:52 الجمعة 06 يناير 2017, 17:37 السبت 14 مايو 2016, 17:47 الخميس 05 مايو 2016, 17:53 الثلاثاء 12 أبريل 2016, 16:20 الأربعاء 06 أبريل 2016, 20:39 الخميس 31 مارس 2016, 21:59 الخميس 31 مارس 2016, 21:49 الجمعة 04 مارس 2016, 16:53
موضوع: حبة مفقودة --- الوالدين الثلاثاء 11 أغسطس 2015, 10:55
واش راكم اعلابالي توحشتوني ههه و حشمتو تقولو راني جيت
بون اليوم جايبه وحد ميضوع عن جوهرتين كل واحد فينا عندو زوج منهم وغاليين و عزاز
و الدنيا بلا بيهم ماشي حياة الي هما هما [size=48] الوالدين[/size]
ايه يا والدين شحال هايلين و فور حكماء هم ميغلطوش ههه و يعرفوا يهدرو اه وي كلش عندهم جواب ليه و وحد المقولات و الحكم ههه خطاك متلقاش زيهم
و حاجة الي تقتلك جامي يستعرفوا بيك ههه ياو لوكان تطلع للقمر
بون[size=32] الوالدين[/size] ملgري يحبونا بصح ديما ينتقدونا مش لان يكرهونا لالا لان ديما يحاولو يخلونا نمشو للقدام و نتقدموا
بون الام الجزائرية هتلر يا جدك هههه لوكان يوقف معاها تلفهالوا
انت تكون تخدم في الشغل بيان حطة كلش مستيكي كلش في بلاصته جهاد و الله الله الريحة تاع الجافيل و السانيبو بون وتكمل سيبو
تروح ليها يما تحتاجي نعاونك لالا بنتي سيبو راني كملت اوك دونك لوجيك انت وين تروح يا تلفزيون يا ميكرو
تريح لا علينا انت مين تكون تستيكي في روحك با ه تريح يماك في نفس الوقت تقيس بنونة رجلها الصغيرة في الحيط ايا و لتم تنوض الحرب ماشي على بنونة نونو عليك انت
تولي تسب فيك انت شغل انت الي خبطتها هههههههههههه ايا و تجي و تلقاك قاعد راحت عليك نهار كامل وانتم قاعدين نهار كامل وانتملاصقين هههههه
انت مين تلقايها هكداك نوضي ديري روحك تخدمي و تسقمي في حاجة مام مكانش اخلقيها راح تتكالما ههههههههه دواء فعال
بوك مين يدخل من الزنقة و يلقاك قاعدة انت متخدمي والو من الرقاد للتلفزيون اووو ا بابا دار هادي خليتها وقيل الصباح هكا مستيكيا مشكل ميخليكش تهدر جامي مش دافعي على روحك تسمعي و تبلعي هه بوك هو حكم القوي على ضعيف
ايا قوليلي شكون مش تصرالها هادي تكون تفيضي في لحليب ديريه على نار طالعة وتبقي تستني
تمشطي شعرك تغني تشطحي ههه وهو مزال بون انت تقولي راه يطول مرة جاية نقصله و نخليه بعقله وامبعد نرجع ليه اهنا الكارثة العظمى تخليه ثانية ترجعي تلقايه فاض يا يما و فوق الكوشة راحت عليك تجي هتلر تبدا تعيط عقلك وين ..... وين روحتي.. تالفلك الراي يما نسيت عليه :تنساك الموت يما و الله كانت النار ناقصة تكذبك نونو جامي
مي مين تخليه هيا و يفيض فوق الكوشة العرس دزذق دزذق اه نسيته سبحان الله كانت النار ناقصة و لتم تجي تنتحر هههههه الحقرة و الديكتاتورية
الاب ايا هو ديما مش يجي وقت الجد والعمل ديما يلقاك قاعد قدام الميكرو انت قرايتك وين بابا والله كنت نقرا هذا وين ريحت شوي
ايا تبدى المقولة المشهورة احنا من كنا كيفكم البرد و الشتاء و كراريس في ساشي و نمشو على رجلينا شغل توفيق مخلوفي تتخيله في فيلم اكشن
وكنا نقراو وديما احنا اولين و هو في حقيقة ملحقش سيزيام معندوش هههههههه وانتم عندكم كلش و تشكو ايه ياخي جيل
الام ناس من تدي les vacances ساكن في فرنسا يفوتهم في هاواي هادو les vacances
احنا عندنا la souffrances في عطلة الشغل تاع الدار كل يبان تقول عام كامل و انتم مريحين تخدمو من عطلة لعطلة هههه
و طفل يجو ليه نهار كامل راقد ناس دخلت بلاد و خرجت بلاد و انت قاعد مسكين لوكان يلقا وين يدخل و يخرج متشوفوهش كامل ههه
يخرج البرا يطول يرجع يقوله بوه نهار كامل وانت في الزنق يدخل لدار يجي بوه نهار كامل و انت مغلوق عيك اهنا ياخي جيل
بون البروبلام الي كاين تاع la communication من المستحيل امبوحال تريح مع والدين و تحكي معاهم في موضوع جامي ابدا كل ما تقول حاجة يدخل عمي انترنت
تقولهم اليوم برد ايه نهار كامل وانت في انترنت تقولها يما مريض ايه نهار كامل وانت قدام الميكرو بزاف يما راسي يوجع فيا نهار كامل قدام الpc يما وذني توجع عليا ايه نهار كامل وانت مع هاداك الخردة
ايا و تريكلامي ياو راحت عليك شوف شوف احنا كنا والدينا منشوفوش فيهم حتى بشط عين جامي قدرنا نردو عليهم الهدرة وانتم ياخي جيل
ويماك مين تجي وليدي تروح تشريلي لعدس معنديش اوك تروح وترجع تزيد تريح دقيقة تلقاها نسيت الكمون تزيد تروح وترجع تزيد تجي نسيت الملح ايا دوركا ديري فيها بلعاني
الرئيسية
موضوع: حبة مفقودة --- الوالدين 
الثلاثاء 11 أغسطس 2015, 10:55
[/size]
الحقرة و الديكتاتورية
